Tveir Íslendingar komu við sögu í dönsku úrvalsdeildinni í dag.
OB vann 2-0 sigur á Nordsjælland. Aron Elís Þrándarson lék allan leikinn með OB.
Liðið er í níunda sæti með 19 stig eftir sautján umferðir.
Þá lék Kristófer Ingi Kristinsson rúmlega 70 mínútur í 1-1 jafntefli Sonderjyske gegn Viborg. Kristófer og félagar voru manni fleiri frá 28. mínútur leiksins.
Sonderjyske er í ellefta og næstneðsta sæti deildarinnar með 10 stig.
Þetta voru síðustu leikir liðanna fyrir vetrarfrí.
Í dönsku B-deildinni lék Ísak Óli Ólafsson allan leikinn með Esbjerg í 3-0 sigri á Nyköping.
Esbjerg er í áttunda sæti deildarinnar með 19 stig.
