Á sjötta tímanum í gær komu tvær konur á lögreglustöðina í Hafnarfirði til að sækja lykla að bifreið sem önnur þeirra hafði ekið er hún var handtekin grunuð um akstur undir áhrifum fíkniefna. Konurnar framvísuðu skriflegu umboði frá eiganda bifreiðarinnar þar sem hann heimilaði að þeim yrðu afhentir lyklar að bifreiðinni.
Lögreglumaður hringdi þá í eigandann sem sagðist ekki hafa skrifað undir umboð um afhendingu á lyklunum. Konunum var því kynnt að málið hefði tekið nýja stefnu þar sem umboðið væri falsað og væru þær grunaðar um skjalafals og hefðu réttarstöðu sakbornings.