Íþróttafréttakonan Svava Kristín Grétarsdóttir var í sínu besta skapi þegar hún las fréttir á Stöð2 í kvöld.

Eftir viðtal við landsliðsmanninn Kára Árnason var komið að Svövu að ræða næstu frétt, það gekk þó heldur erfiðlega.

Svava var í algjöru hláturskasti og kom varla upp orði sökum þess. „Heyrðu, afsakið þetta,“ sagði Svava og hélt svo áfram að skella upp úr.

Svava hefur starfað á Stöð2 síðustu ár og notið mikilla vinsælda í starfi. „Hefuru fengið hlàturskast í beinni? Já núna,“ skrifar Svava á Twitter og birtir myndskeið með atvikinu.

Sjón er sögu ríkari en atvikið má sjá hér að neðan.

Hefuru fengið hlàturskast í beinni? Já núna 😅😂 pic.twitter.com/l7jOALAMiZ

— Svava Gretarsdóttir (@SvavaGretars) September 4, 2021