Viðtal við Eyjólf Ármannsson, oddvita Flokks Fólksins, var birt á Vísi í morgun. Um var að ræða viðtal í léttari kantinum, þar sem Eyjólfur var spurður út í hluti eins og Eurovision og Bragðarefi. Eitt svar hans hefur þó vakið mikla athygli og úlfúð, en þar var hann beðinn um að segja fimmaurabrandara. Oddvitinn sagðist hafa heyrt brandarann í Vatnaskógi í sumar, en hann var eftirfarandi:

„Einu sinni voru Frakki, Pólverji og Íslendingur í Eiffel-turninum í París. Frakki henti niður Croissant. Pólverjinn og Íslendingurinn spurðu af hverju hentirðu niður Croissant? Frakkinn sagði, það er svo mikið af Croissant í Frakklandi. Pólverjinn henti niður pylsu. Frakkinn og Íslendingurinn spurðu, af hverju hentirðu niður pylsunni? Pólverjinn svaraði það er svo mikið af pylsum í Póllandi. Íslendingurinn henti niður Pólverjanum. Frakkinn spurði, af hverju hentirðu niður Pólverjanum? Íslendingurinn svaraði, það er svo mikið af Pólverjum á Íslandi.“

Ljóst er að brandarinn hefur valdið miklum usla, en í kjölfar þess að viðtali birtist hafa margir netverjar gagnrýnt Eyjólf á samfélagsmiðlinum Twitter. Það hefur orðið til þess að Vísir hefur fjarlægt brandarann úr greininni.

Uppfært -17:35

Vísir hefur nú sett brandarann aftur inn í fréttina.

„Jesús hvað sumt fólk þarf á fræðslu að halda“

Lenya Rún Taha Karim, frambjóðandi Pírata, er á meðal þeirra sem gagnrýna brandara Eyjólfs. Í vikunni sem nú er að líða undir lok tjáði hún sig um rasisma á Íslandi í grein sem birtist á Vísi, en undanfarið hefur hún verið að fá rasísk skilaboð frá fólki sem finnst að hún eigi ekki að fara í framboð.

Í færslu sem hún birti á Twitter í dag minnist hún á þessa grein sína og segir að brandari Eyjólfs fari þvert á það sem hún var að reyna að koma á framfæri.

„Bruh ég VAR að skrifa grein um að taka samtalið um hvernig það er búið að normalísera það að koma illa fram við útlendinga á Íslandi svo kemur oddviti flokk fólksins í NVkjördæmi og KÚKAR á allt sem ég sagði með þessum brandara. JESUS hvað sumt fólk þarf á fræðslu að halda.“ skrifar Lenya.

Þjóðfræðingurinn Óli Gneisti Sóleyjarson tekur undir það sem Leyna segir og skrifar kaldhæðnislega: „Neinei, við erum ekki útlendingahatarar en hérna er brandari um að drepa Pólverja.“

„Ekki bara ósmekklegt heldur stórhættulegt“

Rithöfundurinn Snæbjörn Brynjarsson gagnrýndi líka brandarann. Hann bendir á að Íslenskt samfélag haf grætt mikið á því fólki sem komið hingað til lands frá Póllandi og segir að brandarinn sé „hreinn viðbjóður“, þó hann komi sér ekki endilega á óvart.

„Ég ætti einhvern veginn ekki að vera hissa á því að lesa svona frá stjórnmálamanni úr Vestmannaeyjum í framboði fyrir Flokk Fólksins, en þetta er hreinn viðbjóður. Ísland er svo miklu ríkara land út af öllu því fólki sem hefur komið til Íslands frá Póllandi.“ Skrifar hann og bætir svo við: „Þetta er bókstaflega brandari sem gengur út á að myrða fólk sem viðkomandi finnst of mikið af … Ekki bara ósmekklegt heldur stórhættulegt.“

Fleiri einstaklingar hafa gagnrýnt brandara Eyjólfs, en nokkur dæmi má sjá hér fyrir neðan:

bruh ég VAR að skrifa grein um að taka samtalið um hvernig það er búið að normalísera það að koma illa fram við útlendinga á Íslandi svo kemur oddviti flokk fólksins í NVkjördæmi og KÚKAR á allt sem ég sagði með þessum brandara JESUS hvað sumt fólk þarf á fræðslu að halda pic.twitter.com/XKFh66L7BI

— Lenya Rún (@Lenyarun) September 4, 2021

Þetta er bókstaflega brandari sem gengur út á að myrða fólk sem viðkomandi finnst of mikið af … Ekki bara ósmekklegt heldur stórhættulegt.

— Snæbjörn (@artybjorn) September 4, 2021

Maðurinn sem leiðir lista Flokks fólksins í Norðvesturkjördæmi gjöriði svo vel: pic.twitter.com/00LsVWkzWO

— Bergþóra Jóns (@bergthorajons) September 4, 2021

Þetta er Flokkur fólksins,algjör viðbjóður. Fordómar gegn útlendingum koma kannski ekki fram í opinberri stefnu þeirra, en ekki láta blekkjast, þetta er hættulegur flokkur! https://t.co/38VQAS4ZeK pic.twitter.com/mHoDL3maLI

— Einar Ólafsson (@einsiol) September 4, 2021

Úr Oddvitaáskorun Vísis.

„Eyjólfur Ármannsson leiðir lista Flokks fólksins í Norðvesturkjördæmi í kosningunum.

Hann er fæddur í Vestmannaeyjum“

Go figure… pic.twitter.com/LTIperCSuc

— Tara Margrét V. (@taramv87) September 4, 2021

Brandari hjá oddvita Flokks Fólksins í NV kjördæmi – HVAÐ ER AÐ?????? pic.twitter.com/Q8RIt7bOO7

— iris bjarnadottir (@irisbjarnadotti) September 4, 2021

Bara smá Pólverjadjókí boði oddvita Flokks fólksins í Norðvestur. Fullkomlega eðlilegt að finnast það fullkomlega eðlilegt að segja svona djók… pic.twitter.com/ajeMmS6SkG

— Jóhann Skagfjörð (@joiskag) September 4, 2021