Jack Grealish, leikmaður Manchester City, hefur svarað fyrir sig á samfélagsmiðlinum Twitter eftir að stuðningsmenn Aston Villa létu harða gagnrýni falla í hans garð á samfélagsmiðlum.
Grealish var í byrjunarliði Englendinga í gær í undankeppni HM og var hann tekinn í viðtal fyrir leik þar sem hann var spurður út í félagsskiptin til Manchester City í sumar. Hann var keyptur þangað fyrir 100 milljónir punda frá Aston Villa.
Stuðningsmenn Aston Villa voru vægast sagt pirraðir yfir þessu viðtali en Grealish var dýrkaður og dáður hjá félaginu áður en hann leitaði á ný mið í sumar. Auk þess skrifaði blaðamaður nokkur grein um Grealish þar sem hann gagnrýndi hann og ákvörðun hans harðlega.
„Þetta er versta og mest einhliða grein sem ég hef séð,“ sagði Grealish á Twitter
„Ég hef verið stuðningsmaður Aston Villa alla mína ævi. Þú skilur ekki hvað gerist í hinum raunverulega fótboltaheimi.“
This is the worst and most one sided article I’ve ever seen.. Classless? Jealous? Couldn’t wait to get out? Arrogance? How exactly? I’ve been a villa fan my whole life and still am. The thing is you don’t understand what goes on in the real football world.
— Jack Grealish (@JackGrealish) September 3, 2021
"For me to playing in the biggest of games for England, I needed to be doing that at club level also." 💬🏴@JackGrealish has been speaking to @gabrielclarke05 ahead of England's game against Hungary tomorrow night which you can see live on @ITV 🙌#ITVFootball #ThreeLions pic.twitter.com/LjI0zxutAT
— ITV Football (@itvfootball) September 1, 2021
