Nú á dögunum, í aðdraganda Ólympíuleika fatlaðra í Tókýó, skrifuðu forsvarsmenn Rúmfatalagersins og íþróttasambands fatlaðra undir nýjan styrktarsamning til 5 ára. Þess má geta að Rúmfatalagerinn hefur verið einn af aðalstyrktaraðilum íþróttasambands fatlaðra í 25 ár og heldur áfram að styrkja og styðja íþróttaiðkun fatlaðra á Íslandi.

Á myndinni sem tekin var í tilefni af undirritun styrktarsamningsins eru Þórður Árni Hjaltested formaður íþróttasambands fatlaðra og Þórarinn Ólafsson forstjóri Rúmfatalagersins. Einnig eru á myndinni þátttakendur Íslands á Ólympíuleikum fatlaðra sem haldnir verða í Tókýó núna í ágúst. Við óskum þessum frábæru keppendum góðs gengis.