Raphael Varane og umboðsmaður hans ætla að byrja samningaviðræður við Manchester United í vikunni að því er segir í frétt Mirror.
Varnarmaðurinn knái hafnaði tveggja ára samningstilboði Real Madrid og er ákveðinn í því að yfirgefa spænsku risanna í sumar eftir tíu ár. Hann er sagður vera móðgaður út í Real Madrid en félagið lagði meiri áherslu á að semja við Ramos og Modric en franska varnarmanninn.
Manchester United hefur mikinn áhuga á kappanum og munu viðræður hefjast í vikunni. United vill styrkja varnarlínuna í sumar en félagið hefur einnig verið orðað við Kieran Trippier.
Varane er nú á Evrópumótinu í knattspyrnu með franska landsliðinu.
