Jón Ívar Einarsson, prófessor við læknadeild Harvard-háskólans í Bandaríkjunum er nú að selja penthouse íbúð sína í Löngulínu í Garðabæ.
Íbúðin er hin glæsilegasta með miklu útsýni og heitum potti á svölunum. Íbúðin er teiknuð og hönnuð af Rut Káradóttur og engu er til sparað í innréttingar. Smartland greindi fyrst frá.
Íbúðin skiptist í anddyri, gestasalerni, tvö svefnherbergi, baðherbergi, þvottaherbergi og svo aðalrými sem samanstendur af stofu, borðstofu og eldhúsi.
Síðan eru svalirnar heilir 68 fermetrar og þar má finna útsýnis-heitan pott.
Ásett verð eru 130 milljónir en fasteignamat eignarinnar eru 76,5 milljónir.
Jón Ívar býr að mestu í Bandaríkjunum þessi misserinn en vakti athygli við upphaf COVID faraldursins fyrir nokkuð harðar ritdeildur við Kára Stefánsson, forstjóra Íslenskrar erfðagreiningar.