Áfengis- og tóbaksverslunar ríkisins, ÁTVR, hefur farið hafið undirbúning að beiðni um lögbann á hendur vefverslununum sem selja áfengi í smásölu hér á landi, beint til neytenda, og höfðun dómsmáls í framhaldi af því. Þetta kemur fram í tilkynningu frá ÁTVR.
Fyrr í þessum mánuði opnaði franska fyrirtækið Santewines SAS netverslum með áfengi hér á landi. Eigandi fyrirtækisins er Arnar Sigurðsson sem hefur um árabil flutt inn vín frá Frakklandi. Þetta er í fyrsta sinn sem almenningur getur keypt áfengi hér á landi af innlendum vörulager án milligöngu ÁTVR.
„Þrátt fyrir afdráttarlaus ákvæði áfengislaga og laga um verslun ríkisins með áfengi og tóbak um einkaleyfi ÁTVR til þess að selja og afhenda áfengi í smásölu fullyrða rekstraraðilar vefverslananna að starfsemi þeirra sé lögleg. Óhjákvæmilegt er að fá úr því skorið hjá til þess bærum aðilum,“ segir í tilkynningunni ásamt því að fullyrt sé að starfseminni sé beint gegn lögbundnum einkarétti Áfengis- og tóbaksverslunar ríkisins á smásölu áfengis, sem hefur verið ein grunnstoða íslenskrar áfengisstefnu.
„Einkaréttur ríkisins til smásölu áfengis byggir á lýðheilsusjónarmiðum og því mati löggjafans að markmiðum um heilsu þjóðarinnar verði ekki náð með öðru og vægara móti. Verði starfsemi vefverslana í beinni samkeppni við smásölu ÁTVR látin óáreitt felur það í sér grundvallarbreytingu á áfengisstefnunni og forsendum fyrir rekstri fyrirtækisins,“ segir í tilkynningunni.
