fbpx
Fimmtudagur 16.maí 2024
Pressan

Vísindamenn óttast að P1 afbrigði kórónuveirunnar stökkbreytist og verði enn hættulegra

Kristján Kristjánsson
Mánudaginn 19. apríl 2021 22:00

Stökkbreytt kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Brasilíska kórónuveiruafbrigðið P1 hefur náð góðri fótfestu í Brasilíu enda hafa sóttvarnaaðgerðir verið ómarkvissar og takmarkaðar. Víða um landið er heilbrigðiskerfið komið að fótum fram vegna álags og himinháar smittölur og dánartölur eru fréttaefni daglega.

Samkvæmt fréttum innlendra og erlendra fjölmiðla eru sjúkrahús víða um landið uppiskroppa með súrefni og róandi lyf sem eru nauðsynleg við meðhöndlun sjúklinga.

Ekki er skýrsla Fiocruz, opinberrar heilbrigðisstofnunar landsins, frá því fyrir helgi til þess fallin að auka bjartsýni á þróun heimsfaraldursins. Í henni er fjallað um P1 afbrigði veirunnar, oft nefnt brasilíska afbrigðið. Segja vísindamenn að afbrigðið sé að breyta sér þannig að það muni eiga auðveldara með að forðast mótefni gegn kórónuveirunni.

„Við teljum að þetta sé flóttaviðbragð sem veiran grípur til til að forðast mótefni,“ sagði Felipe Naveca, einn vísindamannanna, á fréttamannafundi. Þetta getur í versta falli haft í för með sér að veiran verður minna næm fyrir bóluefnum.

Vísindamennirnir segja að stökkbreytingunni megi líkja við þá sem einnig hefur komið fram í B1351 afbrigðinu, sem oft er nefnt suður-afríska afbrigðið. Rannsóknir hafa sýnt að bóluefnin frá AstraZeneca og Pfizer/BioNTech virka síður á þetta afbrigði. „Þetta er mikið áhyggjuefni því veiran heldur áfram að þróast í þessa átt,“ sagði Naveca.

Rannsóknir hafa sýnt að P1 er allt að 2,5 sinnum meira smitandi en upprunalega veiran. Bóluefni frá AstraZeneca og Sinovac, sem eru aðallega notuð í Brasilíu, hafa sýnt góða virkni gegn P1 afbrigðinu. Sérfræðingar segja að sérstaklega góð skilyrði séru fyrir veiruna til að stökkbreytast í Brasilíu þar sem faraldurinn sé stjórnlaus.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Fólk áttar sig ekki á þessu – „Synir okkar eru bræður, frændur og tvíburar“

Fólk áttar sig ekki á þessu – „Synir okkar eru bræður, frændur og tvíburar“
Pressan
Fyrir 3 dögum

Fyrir einni milljón ára blönduðust tvær plöntur óvart og við njótum góðs af því

Fyrir einni milljón ára blönduðust tvær plöntur óvart og við njótum góðs af því
Pressan
Fyrir 4 dögum

Líkami þinn lyktar þegar hann er stressaður og hundar finna þessa lykt

Líkami þinn lyktar þegar hann er stressaður og hundar finna þessa lykt
Pressan
Fyrir 4 dögum

Heit umræða – Hvort þurfa konur eða karlar að sofa lengur?

Heit umræða – Hvort þurfa konur eða karlar að sofa lengur?
Pressan
Fyrir 5 dögum

Nokkurra vikna stúlka á gjörgæslu með kíghósta – „Þetta hefur verið algjör martröð“

Nokkurra vikna stúlka á gjörgæslu með kíghósta – „Þetta hefur verið algjör martröð“
Pressan
Fyrir 5 dögum

Umdeilt viðtal við hina raunverulegu Mörthu kallað það siðlausasta fyrr og síðar – Meintur eltihrellir fær að segja sína hlið

Umdeilt viðtal við hina raunverulegu Mörthu kallað það siðlausasta fyrr og síðar – Meintur eltihrellir fær að segja sína hlið