Hallbera Guðný Gísladóttir landsliðskona deildi nýlega með okkur hvað hún borðar á venjulegum degi. Hér deilir hún uppskrift að Halloumie Doritos-borgara.

Sjá einnig: Þetta borðar Hallbera landsliðskona á venjulegum degi

Fyrir 2

• Halloumie ostur – 1 pakki
• Sýrður rjómi – 4 msk.
• Syrachasósa 1 tsk.
• Olía 1 tsk. og til steikingar
• Doritos – 1 bolli
• Avókadó 1 vænt stk.
• Laukur – ½
• Tómatar 1 stk.
• Kóríander ferskt – ½ bolli
• Hamborgarabrauð – 2 stk.
• 1 væn sæt kartafla
• Krydd eftir smekk
• Pipar
• Laukkrydd
• Chilipiparkrydd
• Kóríanderkrydd

Sósan

• 4 msk. sýrður rjómi
• 1 tsk. Sirachasósu – ath sterk – gott að smakka til
• Pipar, lauk- og chilipiparkrydd (fer eftir smekk)
• 1 tsk. olía

Allt hrært saman

Í aðra skál

Takið Halloumie ost og skerið niðurí hæfilega stóra bita. Veltið ostinum upp úr sýrðu rjómablöndunni og þekið svo ostinn með Doritos.

Raðið í eldfast mót og setjið inn í ofn í sirka 15-20 mínútur á 180 gráður.

Stappið avókadó og setjið á hamborgarabrauðið ásamt niðurskornum lauk, tómat og kóríander og setjið á hamborgarabrauðið.

Ég nota gróft smábrauð frá Myllunni sem hamborgarabrauð en það má auðvitað nota venjuleg hamborgarabrauð líka. Gott að setja smá dass af chilli mayo.

Sætkartöflufranskar

Sæt kartafla skorin niður í strimla. Velt upp úr ólífuolíu ásamt pipar, salti og kóríanderkryddi.

Sett í eldfast mót og bakað þar til kartöflurnar eru orðnar mjúkar í gegn – sirka 20 mín á 180 gráðum. Fer eftir þykkt bitanna.