Sanna Marin, forsætisráðherra Finnlands, mátti þola mikla gagnrýni seinustu helgi, en sumum þótti mynd sem birtist af henni í tískutímaritinu Trendi afar óviðeigandi. Í tímaritinu mátti sjá forsætisráðherrann í jakka, án þess að vera í sjáanlegri skyrtu eða bol innanundir. Sumir þeirra sem gagnrýndu hana efuðust meira að segja um hæfni hennar í embætti.
Þeir sem að gagnrýndu Marin fengu þó mótbáru í andlitið. Fjöldi fólks birti myndir af sér í jakka, án þess að vera skyrtu eða jakka innanundir. Þær myndir birtust ásamt myllumerkinu #imwithsanna, en þegar að þessi frétt er skrifuð hafa þúsundir manns tekið þátt.
View this post on Instagram
Fólk af öllum kynjum hefur tekið þátt, þó að konur séu í áberandi meirihluta. Enda mætti segja að baráttan snerist um tjáningarfrelsi kvenna.
Ein þeirra sem hefur tekið þátt í átakinu er Heiða Björg Hilmisdóttir, varaformaður Samfylkingarinnar og Borgarfulltrúi í Reykjavík. Hún birti mynd af sér á Facebook í takti við hinar. Í færslu sinni segir Heiða að engan skuli dæma út frá útliti eða klæðaburði. Þá segir hún að það sé ekki verk kvenna að klæða sig til þóknast öðrum.
„Finnski forsætisráðherrann hefur verið harðlega gagnrýnd fyrir “ósæmilega” myndatöku og jafnvel efast um hæfi hennar í embætti í því samhengi. Engin skyldi dæma hæfni fólks út frá útliti eða klæðaburði. Ég tek því glöð þátt í #imwithsanna.“
https://www.facebook.com/heidabjorghilmis/posts/2726984650908584
Sanna Marin er yngsti sitjandi forsætisráðherra í heimi. Hún tók við embættinu í fyrra 34 ára gömul.