Eggja- og sæðisbankinn Livio auglýsir á Facebook í dag eftir hugsanlegum sæðisgjöfum. „Hjálpaðu þeim sem þrá barn. Þú færð ókeypis heilsufarsskoðun og þóknun. Gefðu gjöf í dag!“ segir í auglýsingunni.

Á heimasíðu Livio segir jafnframt um gjafanna: „Eggja- og sæðisgjafarnir sem leggja til eggja- og sæðisbanka Livio eru valdir af kostgæfni, á grundvelli ítarlegra viðtala og heilsufarsrannsókna til að tryggja að gjafar uppfylli allar nauðsynlegar kröfur. Við leggjum ríka áherslu á að þú, sem gjafi, fáir hlýjar viðtökur og góða umönnun og njótir fyllsta öryggis.“

Þó nokkrar kröfur virðist vera gerðar til sæðisgjafa. Þeir þurfa að vera á milli 23 og 45 ára gamlir, reyklausir, án arfgengra sjúkdóma, vera heilsuhraustur og með BMI stuðul undir 32.

Samþykktir sæðisgjafar fá 7.000 kr. fyrir hverja samþykkta gjöf.

Ferlið sem tekur við er að umsókn er gerð og heilsufarsskýrsla send með henni. Við tekur svo símtal með upplýsingum og tímabókun. Í kjölfar sæðisgjafar fer sæðisrannsókn fram á gjöfinni sem og læknisskoðun. Viðtal við félagsráðgjafa fylgir og svo fer gjöf fram. 10 skipti, að lágmarki.

Það er mjög mikilvægt að allir gjafar séu við góða heilsu. Þess vegna skimum við alla gjafa okkar vel áður en gjöf er samþykkt. Þessi skimun fer bæði fram með viðtölum, smitsjúkdómaprófum, erfðafræðilegri rannsókn og almennri læknisskoðun.

Blóðsýni sæðisgjafa er rannsakað með hliðsjón af fjölda sjúkdóma, m.a. klamýdíu, lekanda, lifrarbólgu, HIV, og sárasótt. Að auki erfðamengi gjafans skimað fyrir ýmsum ættgengum sjúkdómum.

Umsókn um að gerast sæðisgjafi má nálgast hér, ásamt frekari upplýsingum um sæðisgjöf.