Eins og við sögðum frá í gær er Dell Loy Hansen, eigandi Utah Soccer Holdings, að selja hlut sinn í MLS liðinu Real Salt Lake, NWSL liðinu Utah Royals og USL liðinu Real Monarchs. Fjölmiðlar í Bandaríkjunum fjalla um málið og segja ástæðuna vera rasisma og kvenfyrirlitningu sem fyrirtækið undir hans stjórn hefur staðið fyrir. Gunnhildur Yrsa Jónsdóttir, leikmaður íslenska landsliðsins, er leikmaður Utah Royals en er þessa stundina í láni hjá Val.
Í fréttum gærdagsins sagði fyrrverandi ljósmyndari Utah Royals frá því að Carroll hefði fyrirskipað að starfsmönnum að mynda leikmenn á eins kynþokkafullan hátt og kostur væri. Aðrir starfsmenn Utah Royals hafa staðfest þessa frásögn. Því var bætt við að Carroll óskaði beinlínis eftir því að Christen Press, Amy Rodriguez og Kelley O’Hara yrðu notaðar í herferðum Utah Royals, ástæðan var sú honum fannst þær vera fallegustu leikmenn liðsins.
Í grein MSN sem birtist í gær er fjallað um Gunnhildi Yrsu og segir. „Carroll er einnig sakaður um að útiloka það að Gunnhildur Yrsa og Becky Sauerbrunn væru á auglýsingum félagsins vegna þess að þær voru of ljótar að hans mati,“ segir í grein MSN sem byggð er á skýrslu vegna málsins.
Gunnhildur Yrsa svarar fyrir málið á Twitter í dag. ,,Þetta mál er ógeðslegt, ég er þarna nefnd og vil bara segja eitt… Nú er nóg komið, dagarnir þar sem konur eru dæmdar út frá útliti sínu eru liðnir. Ég þegi ekki lengur,“ skrifar Gunnhildur Yrsa.
Smelltu hér til að lesa meira um þetta mál
Subbuskapur í Bandaríkjunum – Sagði Gunnhildi Yrsu of ljóta fyrir auglýsingar
Theses remarks are disgusting and as someone who was personally named I want to say…Enough. The days where women are judged by their looks are OVER. I won’t be silent anymore.
As @beckysauerbrunn says: our accomplishments are worthy of recognition, in and of themselves. https://t.co/7o0mdouKUQ— Gunnhildur Yrsa (@Gunnhildur_Yrsa) September 3, 2020