fbpx
Sunnudagur 27.september 2020
433Sport

Subbuskapur í Bandaríkjunum – Sagði Gunnhildi Yrsu of ljóta fyrir auglýsingar

Hörður Snævar Jónsson
Miðvikudaginn 2. september 2020 15:30

Ekki missa af Helstu tíðindum dagsins í pósthólfið þitt

Lesa nánar

Dell Loy Hansen, eigandi Utah Soccer Holdings, er að selja hlut sinn í MLS liðinu Real Salt Lake, NWSL liðinu Utah Royals og USL liðinu Real Monarchs. Fjölmiðlar í Bandaríkjunum fjalla um málið og segja ástæðuna vera rasisma og kvenfyrirlitningu sem fyrirtækið undir hans stjórn hefur staðið fyrir. Gunnhildur Yrsa Jónsdóttir, leikmaður íslenska landsliðsins, er leikmaður Utah Royals en er þessa stundina í láni hjá Val.

Ítrekaðar ásakanir á hendur Dell Loy og hans teymi hafa orðið til þess að hann verður að selja hlut sinn. Skýrslur um málið leiða í ljós að stjórnendur hjá Utah Soccer Holdings hvöttu til kynjamisréttis og sýndu kvenfyrirlitningu.

Samkvæmt skýrslu frá Lucas Muller hjá SB Nation óskaði Andy Carroll framkvæmdastjóri RSL eftir „kynþokkafullum“ myndum af kvenkyns leikmönnum og útilokaði tilteknar stjörnur sem voru „of ljótar“ frá auglýsingum og auglýsingaskiltum.

Í grein sem birt var á mánudag sagði fyrrverandi ljósmyndari Utah Royals frá því að Carroll hefði fyrirskipað að starfsmönnum að mynda leikmenn á eins kynþokkafullan hátt og kostur væri. Aðrir starfsmenn Utah Royals hafa staðfest þessa frásögn. Því var bætt við að Carroll óskaði beinlínis eftir því að Christen Press, Amy Rodriguez og Kelley O’Hara yrðu notaðar í herferðum Utah Royals, ástæðan var sú honum fannst þær vera fallegustu leikmenn liðsins.

Í grein MSN í Bandaríkjunum er fjallað um Gunnhildi Yrsu og segir. „Carroll er einnig sakaður um að útiloka það að Gunnhildur Yrsa og Becky Sauerbrunn væru á auglýsingum félagsins vegna þess að þær voru of ljótar að hans mati,“ segir í grein MSN sem byggð er á skýrslu vegna málsins.

Í samtali við blaðamann DV sagði Gunnhildur hafa fylgst með málinu, annað væri ekki hægt. Verið væri að taka á því innan félagsins, umræddir starfsmenn væru ekki lengur í starfi á meðan málið væri til rannsóknar.

Í skýrslunni talar Rebecca Cade, fyrrum fréttaritari fyrirtækisins, og segir frá reynslu sinni. Hún segir kynferðislega áreitni hafa átt sér stað á vinnustaðnum. „Á fundum á föstudögum þar sem aðeins karlmenn máttu vera var talað á mjög óviðeigandi hátt. Einn vinnufélagi minn sagði mér frá því að Carroll hefði verið að ræða brjóst mín á fundum,“ sagði Cade um málið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 21 klukkutímum

3. deild: Reynir Sandgerði á uppleið

3. deild: Reynir Sandgerði á uppleið
433Sport
Fyrir 21 klukkutímum

Mikael spilaði allan leikinn í sigri

Mikael spilaði allan leikinn í sigri
433Sport
Fyrir 22 klukkutímum

Everton taplausir – Gylfi kom við sögu

Everton taplausir – Gylfi kom við sögu
433Sport
Fyrir 22 klukkutímum

Þróttur R. með góðan sigur á Selfossi

Þróttur R. með góðan sigur á Selfossi
433Sport
Í gær

Misjöfn staða í Evrópu vegna COVID-19 – 15.000 manns á leik í Ungverjalandi

Misjöfn staða í Evrópu vegna COVID-19 – 15.000 manns á leik í Ungverjalandi
433Sport
Í gær

Gat ekki sagt nei við FH

Gat ekki sagt nei við FH