Kamlesh Mistry hefur verið innlimaður í ofuraðdáenda-frægðarhöll KFC, en hann hefur fengið sér að borða hjá kjúklingakeðjunni frægu í meira en 50 mismunandi borgum og 40 mismunandi löndum. Aðspurður segir hann að furðulegasti KFC-staðurinn hafi verið í Reykjavík. Frá þessu greinir LadBible

„Furðulegasti staðurinn þar sem að ég hef fengið mér KFC var í Reykjavík á Íslandi. Einn vina minna var að vinna á Íslandi. Við vorum í heimsókn hjá honum og fórum á alla ferðamannastaðina. Við enduðum á því að fá okkur drykk í miðborginni og okkur tókst að finna KFC, en ég hélt að svoleiðis væri ekki á Íslandi.“

Þetta sagði Mistry um staðinn á Íslandi, og virðist ekki hafa útskýrt svar sitt mikið betur.

Hann segist fyrst hafa smakkað KFC með móður sinni í Toronto þegar hann var tólf ára, síðan hafi hann hreinlega verið óður í Kenny. Líkt og áður segir er Mistry nú í ofuraðdáenda-frægðarhöll KFC, ekki nó með það þá er hann fyrsti og eini meðlimur hennar. Fyrir það fær hann ársbyrgðir af kjúklingi frá fyrirtækinu.

Þá hefur fjölskylda Mistry tekið mikinn þátt í þessari KFC-dýrkun hans. Til að mynda var hann klæddur upp sem Ofurstinn Sanders (KFC-kalinn) í steggjapartíinu sínu, auk þess sem andlit Mistry hefur verið prentað á boli í stað andlits Sanders.