Jose Maria Bartomeu, forseti Barcelona, veit að goðsögnin Xavi mun einn daginn taka við félaginu.
Xavi er reglulega orðaður við starfið en hann er í dag þjálfari Al-Sadd í Katar og hefur gert vel.
Quique Setien er stjóri Barcelona í dag og er Bartomeu ekki að leita að hans arftaka að svo stöddu.
,,Fyrr eða seinna þá mun Xavi taka við Barcelona. Eins og er þá erum við ekki að leita að stjóra,“ sagði Bartomeu.
,,Við stöndum með Quique. Quique Setien mun þjálfa liðið í Meistaradeildinni og í leikjunum tveimur sem eru eftir í deildinni.“
,,Við höfum farið heim til hans og rætt framtíðina og plönin fyrir næstu leiktíð. Hann verður örugglega hérna og ég hef áhuga á að heyra hans skoðanir.“