Gylfi Þór Sigurðsson kom við sögu hjá Everton í kvöld sem spilaði við Southampton á heimavelli.
Gylfi byrjaði leikinn á bekknum en var settur inná á 42. mínútu eftir meiðsli Andre Gomes.
Staðan var 1-0 fyrir Southampton er Gylfi kom inná en Danny Ings hafði komið gestunum yfir.
Einni mínútu eftir innkomu Gylfa jafnaði Everton með marki Richarlison.
Fleiri mörk voru ekki skoruð á Goodison Park og lokatölur 1-1 jafntefli.
Á sama tíma áttust við Bournemouth og Tottenham en þeim leik lauk með markalausu jafntefli.
Everton 1-1 Southampton
0-1 Danny Ings(31′)
1-1 Richarlison(43′)
Bournemouth 0-0 Tottenham
