Rannsókn lögreglu á eldsvoðanum á Bræðraborgarstíg 1 miðar vel að sögn lögreglu. Nú hefur kennslanefnd Ríkislögreglustjóra lokið störfum og kennsl þeirra þriggja sem létust staðfest. Nöfn þeirra verða þó ekki gefin upp að ósk aðstandenda. Öll þeirra sem létust voru pólskir ríkisborgarar sem störfuðu hér á landi.

Einn sem slasaðist alvarlega í brunanum er enn á gjörgæslu en ekkert hefur verið gefið upp um ástand hans. Lögregla hefur lítið tjáð sig um framvindu rannsóknarinnar og versta hún enn allra frétta af rannsókninni.

Fram hefur komið að húsið sem brann var í eigu HD Verks ehf., sem er í eigu H2o ehf., sem er í eigu Kristinns Jóns Gíslasonar. Hvorki hefur náðst í Kristinn Jón né lögmann hans þrátt fyrir ítrekaðar tilraunir DV. Kristinn Jón, í gegnum áðurnefnd einkahlutafélög, á nokkrar aðrar fasteignir, m.a. næsta Bræðraborgarstíg 3 og stórt iðnaðarhúsnæði á Kársnesbraut 96a í Kópavogi. Hefur DV staðfestar heimildir fyrir því að fjöldi fólks býr í þessum tveim húsnæðum, að því er virðist allt erlent verkafólk og að slökkvilið hefur ítrekað þurft að hafa afskipti af húsum í hans eigu vegna ófullnægjandi brunavarna.