Luis Alberto, miðjumaður Lazio, viðurkennir að það sé honum að kenna að hann hafi ekki náð árangri á Anfield.
Alberto lék með Liverpool frá 2013 til 2016 en náði sér aldrei á strik og spilaði mest 12 leiki á einu tímabili.
,,Ég held að þetta sé örlítið mér að kenna. Ég gerði ekki allt nauðsynlegt varðandi vinnu og einbeitingu,“ sagði Alberto.
,,Það sem ég hefði átt að gera 20 ára gamall gerði ég 25 ára. Það er leiðinlegt.“
,,Ég missti af nokkrum árum og er 27 ára í dag. Ég reyni að gera sem mest úr þessu því það er mikill tími eftir.“