Gerardo Martino, stjóri Mexíkó, vill sjá Raul Jimenez semja við Manchester United í sumar.
Jimenez er á mála hjá Wolves í ensku úrvalsdeildinni og er reglulega orðaður við stærri félög.
,,Ef ég horfi á þetta utan frá þá sé ég ekki alvöru níu eins og Raul hjá Manchester United,“ sagði Martino.
,,Það eru framherjar þarna eins og Marcus Rashford, Anthony Martial og strákurinn sem getur spilað á vængnum, Greenwood, en síðan Romelu Lukaku fór þá sé ég ekki alvöru níu.“
,,Við höfum alltaf þá hugmynd að stefna hærra og það yrði gott fyrir hann að spila fyrir Manchester United.“
