Hollenska ríkisstjórnin hefur ákveðið að 10.000 minkar skuli aflífaðir til að koma í veg fyrir útbreiðslu kórónuveirunnar sem veldur COVID-19. Ástæðan er að tvær manneskjur smituðust af veirunni eftir að hafa komist í nána snertingu við mink.

The Guardian skýrir frá þessu. Yfirvöld hafa fundið kórónuveirusmitaða minka í tíu minkabúum. Smitið uppgötvuðust í maí. The Guardian segir að þetta sé í fyrsta sinn síðan heimsfaraldurinn braust út sem staðfest hefur verið að dýr hafi smitað fólk.

Clair Bass, framkvæmdastjóri samtakanna Humane Society International, segir að samtökin hvetji nú þau ríki heims, sem leyfa minkaeldi, til að meta stöðu mála.

140 minkabú eru í Hollandi og eru tekjur þeirra sem nemur um 14 milljörðum íslenskra króna á ári.