Á sunnudaginn lést sextugur brimbrettamaður þegar þriggja metra langur hákarl réðst á hann og beit annan fótinn af honum. Þetta gerðist í New South Wales. Þetta var í þriðja sinn á árinu sem hákarl varð manni að bana við strendur Ástralíu.

Sydney Morning Herald skýrir frá þessu. Fram kemur að hákarl hafi ráðist á manninn við bæinn Kingscliff. Aðrir brimbrettamenn komu manninum til hjálpar og aðstoðuðu hann í land. Sjúkrabíll var strax sendur á vettvang en ekki tókst að bjarga lífi mannsins.

Á síðasta ári réðust hákarlar á 27 manns við strendur Ástralíu en enginn lést.