Erlendir knattspyrnumenn geta fengið vel í aðra hönd hér á landi ef marka má orð Steven Lennon framherja FH. Þetta kom fram í hljóðbroti sem Hjörvar Hafliðason í Dr. Football spilaði í dag.

Lennon var í erlendum hlaðvarpsþætti og sagði að erlendir leikmenn gætu fengi 2 til 6 þúsund pund á mánuð eftir skatt.

Ef orð Lennon eru rétt þá er um að ræða frá 353 þúsund og upp í rúma milljón í vasann í hverjum mánuði. Mörg íslensk félög eru í miklum fjárhagsvandræðum í dag. Einnig kom fram í mái Lennon að leikmenn væru að auki að fá íbúð og bíl.

„Þetta er bara atvinnumennska hjá þessum gæjum, mér finnst 4 þúsund pund allt í lagi. Það verður samt að vera hægt að borga þetta,“ sagði Mikael Nikulásson um þessa umræðu.

Lennon hefur verið einn besti leikmaður Pepsi Max deildarinnar síðustu ár en hann kom hingað til Fram og gekk svo í raðir FH.