Block Burger, Skólavörðustíg 8 (bakhús)
Ef lýsa ætti hamborgurunum á Block Burger í aðeins einu orði þá væri það orðið ferskleiki. Kjötið í borgurunum er sérvalið 100% íslenskt úrvals ungnautakjöt sem hefur fengið hámarksmerjun við bestu aðstæður. Kjötið sem Block Burger fær afhent frá sínum framleiðanda er síðan skorið niður, hakkað og búnar til úr því 120 gramma kúlur sem fara í hamborgarana á staðnum. Ferskara og gæðameira verður hamborgarakjöt ekki. Hamborgarabrauðin koma daglega og eru sérbökuð fyrir Block Burger.
Annað sem gefur Block Burger-hamborgurunum sérstöðu er Block-sósan sem gerð er á staðnum og notuð í flesta hamborgara í stað hinnar útbreiddu kokteilsósu.
Block Burger hóf starfsemi í ágúst árið 2015 og er á sama stað og veitingastaðurinn Grænn kostur var áður, eða í bakhúsi að Skólavörðustíg 8. Opið er alla daga vikunnar frá kl. 11 til 21.
Viðskiptavinahópurinn er fjölbreyttur en ekki kemur á óvart að erlendir ferðamenn sæki staðinn mikið enda er hann við eina mestu túristagötu landsins. Vinnandi fólk í miðbænum og skólanemar snæða líka oft á Block Burger í hádeginu.
Eins og fyrr segir skapar hið frábæra sérvalda kjöt, sérbakaða brauð og sérlagaða sósa borgurunum á Block Burger sérstöðu. En oft er líka í boði borgari vikunnar. Þar má nefna hamborgara eins og Bearnaise Block, BBQ Block, Monky Block sem er með hnetusmjöri og banönum, Double Cheese Block og fleiri. Margt spennandi er framundan í þessum sérréttum en fólk getur fylgst með borgara vikunnar á Facebook-síðu og Instagram-síðu Block Burger.
