Tveir flugfarþegar urðu uppvísir að því að reykja um borð í flugvélum sem voru á leið til landsins; annar í morgun og hinn í gærmorgun.

Í tilkynningu frá lögreglunni á Suðurnesjum segir að sá síðarnefndi hafi ætlað að halda áfram ferð sinni til Berlínar en ákveðið var að hann færi ekki í það flug vegna þessa athæfis. Flugstjóri vélarinnar hyggst kæra hann fyrir hönd flugfélagsins.

Hinn farþeginn játaði sök og tók lögreglan á Suðurnesjum af honum skýrslu vegna málsins. Sá getur einnig átt von á alvarlegum eftirmálum.

Þá var aðili sem framvísaði fölsuðum skilríkjum við komuna til landsins handtekinn og færður á lögreglustöð til skýrslutöku.

Loks var flugvél sem var á leið frá Glasgow til Newark lent á Keflavíkurflugvelli þar sem farþegi um borð hafði veikst. Viðkomandi var fluttur á Heilbrigðisstofnun Suðurnesja.