Jenna Marbles er ein skærasta stjarnan á YouTube. Hún er með yfir 20 milljón fylgjendur á miðlinum og fá myndbönd hennar yfirleitt um tvö til fimm milljón áhorf.

Íslenski leikarinn og áhrifavaldurinn Aron Már Ólafsson, betur þekktur sem Aron Mola, er óvæntur gestur í nýjasta myndbandinu frá Jennu Marbles. Í því myndbandi horfir Jenna á nokkur af uppáhalds TikTok-myndböndunum sínum. Myndbandið hefur fengið yfir 3,1 milljón áhorf síðan á fimmtudaginn.

Eitt af þeim myndböndum er myndband Aron Mola þar sem hann er að drekka boost sem sullast yfir á andlitið hans.

Jenna og Julian, kærasti hennar, horfa á myndbandið og skella upp úr. Julian spyr svo:  „Hvaða hljóð var þetta?“ og vísar í þegar Aron sagði „æj“ í lok myndbandsins.

Horfðu á atriðið í spilaranum hér að neðan.

DV heyrði í Aroni sem var meðvitaður um óvænt gestahlutverk sitt í myndbandi Jennu.

„Þetta er bara geggjað, ótrúlega gaman,“ segir hann.

Myndbandið hans á TikTok er komið yfir 5,8 milljón áhorf. Aron segir að honum finnst TikTok mjög skemmtilegur miðill.

„En maður er enn bara að læra á hann, svolítið flókið,“ segir hann.

Þú getur fylgst með Aroni á TikTok undir @aronmolaofficial