Í dag var gefin út stöðuskýrsla Almannavarnadeildar ríkislögreglustjóra en þar kemur fram að íslensk stjórnvöld séu að vinna að því að koma fjölskyldunni í flugferðina. Þá segir einnig í skýrslunni að enginn í fjölskyldunni sé með einkenni COVID-19 veirunnar.
Þórólfur Guðnason sóttvarnalæknir segir að þetta sé eina leiðin fyrir fjölskylduna til þess að komast frá Wuhan-borg þar sem búið er að loka fyrir allar samgöngur til og frá borginni.
75.755 smit eru staðfest á heimsvísu þegar þetta er skrifað en af þeim hafa 2.130 manns látist en 16.882 hafa náð sér. Afgerandi meirihluti smitana hefur komið upp í Kína. Samkvæmt stöðuskýrslunni hefur nýjum tilfellum fækkað undanfarna daga en helsta fjölgunin hefur verið í skemmtiferðaskipum við strendur Kína.
