Goðsögnin Ruud Gullit segir að Mohamed Salah, leikmaður Liverpool, eigi það til að ‘svindla’ aðeins í leikjum liðsins.
Gullit er þar að tala um vinnusemi Salah og segir hann ekki leggja sig eins mikið fram og aðrir.
,,Sá eini sem leggur sig ekki jafn mikið fram og aðrir er Salah, hann svindlar stundum,“ sagði Gullit.
,,Ef þú horfir á Sadio Mane eða Roberto Firmino þá er mikill munur. Hann getur svindlað aðeins en þeir sinna erfiðisvinnunni.“
,,Þú sérð hann hlaupa til baka en hann svindlar. Það er eins og hann sé að fara að tækla einhvern en gerir það svo ekki.“
