Í mörgum kínverskum borgum, hafa drónar, útbúnir hátölurum, flogið um og hafa þeir verið notaðir til þess að hafa eftirlit með borgurunum og setja ofaní við þá sem ekki fara eftir öllum reglum.
Í myndbroti em sýnt var í kínverska ríkissjónvarpinu, sést meðal annars þegar eldri kona var elt uppi af dróna. Í myndbrotinu heyrist í drónanum: „Já frænka, þetta er dróninn að tala við þig. Þú ættir ekki að ganga um án þess að vera með grímu. Já, þú ættir að fara heim – og ekki gleyma að þvo þér um hendurnar. Við erum búin að segja fólki að vera heima, samt ert þú á ferðinni. Nú fylgist dróninn með þér“.
Í öðru myndbroti er eldri maður á vélhjóli eltur uppi af dróna. „Frændi, þetta eru óvissutímar. Hvers vegna ert þú á ferðinni með enga grímu“ heyrist frá drónanum, sem einnig segir manninum að hann eigi ekki að hlægja.
Walking around without a protective face mask? Well, you can't avoid these sharp-tongued drones! Many village and cities in China are using drones equipped with speakers to patrol during the #coronavirus outbreak. pic.twitter.com/ILbLmlkL9R
— Global Times (@globaltimesnews) January 31, 2020
Notkun dróna hefur fengið misjöfn viðbrögð á samfélagsmiðlum heimsins, svo sem Twitter. Nokkrir notendur styðja notkun drónanna, á meðan aðrir gagnrýna hana harðlega. Margir segja að þetta mikla eftirlit með borgurunum sé mjög „Orwellskt“, og vísa með því í skáldsögu George Orwell, 1984.
Talandi drónar eru ekki eina aðferðin sem Kínverjar hafa beitt til þess að hefta útbreiðslu vírussins. Önnur myndbrot sýna hvernig hátalarar í borgum eru notaðir á sama hátt, enn önnur aðferð sem beitt hefur verið er að sýna stutt myndbrot í sjónvarpi, þar sem hinir ýmsu embættismenn hvetja fólk til þess að vera heima, þetta fer meðal annars fram í bundnu máli.
