Tveir íslenskir hestamenn, annar þeirra áður í landsliðinu, hafa verið ákærðir fyrir sérstaklega hættulega líkamsárás. Mennirnir eru sagðir hafa ráðist á mann fyrir framan skemmtistaðinn Hvíta húsið á Selfossi.

Nokkuð langt er síðan þetta er sagt hafa gerst, en atvikið átti sér stað aðfaranótt 28. mars árið 2016. Samkvæmt ákæru réðust þeir báðir á manninn en annar þeirra er sagður hafa tekið fórnarlambið niður í jörðina.

Hestamennirnir eru sakaðir um að hafa sparkað þar í andlit hans, höfuð og líkama, en miðað við ákæru virðist annar þeirra hafa gengið lengra og kýlt hann nokkrum sinnum í andlit, höfuð og líkama.

Fórnarlambið missti meðvitund við þetta og hlaut bólgið nef, mar á vinstri upphandlegg, eymsli framan á vinstri öxl og margúl á hnakka og vinstri hlið höfuðs.

Báðir ákærðu eru miklir hestamenn líkt og fyrr segir þó sú iðkun virðist hafa minnkað með árunum. Þegar umrætt atvik átti sér stað voru þeir báðir að taka þátt á mótum.