„Á Ólafsfirði hafa þakplötur og brak úr tveimur húsum verið að fjúka frá húsunum í nótt,“ segir í skeyti frá lögreglunni á Norðurlandi eystra. Lögregla hvetur fólk til að vera á varðbergi og ekki á ferðinni þar sem brak úr húsunum getur farið um.

„Menn frá björgunarsveitinni Tindur á Ólafsfirði hafa gefið þessu auga en vegna veðurofsa hefur ekki verið hægt að koma við neinum aðgerðum til að fergja húsin eða hindra fok frá þeim. Þessi hús eru við Pálsbergsgötu og hús Norlandia. Brak frá þessum byggingum hefur fokið inn á Aðalgötu, Strandgötu, Kirkjuveg, Vesturgötu og fleiri götur undan veðrinu. Björgunarsveitarmenn vilja vara sérstaklega við þessu og hvetja fólk til að vera mjög á varðbergi gagnvart þessu og alls ekki á ferðinni þar sem brak úr húsunum getur farið um,“ segir í skeyti lögreglu.