24 ára danskur karlmaður var nýlega dæmdur í sex mánaða fangelsi fyrir að hafa deilt fölskum klámmyndum af vinum sínum á klámsíðum. Hann notaði tölvuforrit til að breyta myndum og láta líta út fyrir að vinir hans væru á þeim.

Hann var sakfelldur fyrir að hafa hlaðið niður myndum af vinkonum sínum á Facebook og breyta þeim í klámmyndir þannig að það leit út fyrir að konurnar væru að stunda gróft kynlíf. Myndirnar birti hann síðan á klámsíðum.

Maðurinn játaði brot sín. Auk fangelsisdómsins þarf hann að greiða fórnarlömbunum á milli 2.500 og 40.000 danskar krónur í bætur.