Fyrrverandi starfsmaður McDonalds hefur verið kallaður hetja og „Hrói Höttur kjúklinganagga“ eftir að hafa sagt frá hvað hann gerði á hverjum degi þegar hann vann hjá skyndibitakeðjunni.
Cody vann á McDonalds Í Kanada og segir að hann hafi laumað auka kjúklinganagga í öll kjúklinganaggabox sem hann útbjó. Í venjulegu boxi eru tíu naggar, en ef Cody setti í boxin, þá voru ellefu naggar.
Hann segir frá þessu á Twitter. „Ég vann á McDonalds í tvö og hálft ár og setti 11 nagga í hvert tíu stykkja box sem ég gerði.“
I worked at McDonald’s for two and a half years and I put 11 nuggets in almost every 10-piece I made
— Cody Bondarchuk (@codybondarchuk) November 16, 2019
Síðan þá hafa yfir 900 þúsund manns líkað við tístið. Netverjar kalla hann hetju og spurði einn hvort einhver hafði einhvern tíma þakkað honum fyrir auka naggann.
„Það var mestmegnis pantað í gegnum lúgu þar sem ég vann, þannig ekki svo ég man. En mér finnst gaman að hugsa til þess að þegar fólk fór heim og sá auka naggann þá brosti það aðeins.“
Yndislegt!