Yvon Bourrel, bæjarstjóri í Carnon á suðurströnd Frakklands, þurfti að gefa út yfirlýsingu til að róa ferðamenn á svæðinu. Ástæðan var sú að flugvél flaug yfir vinsæla baðströnd bæjarins með borða sem á stóð „Farið heim skrambans ferðamenn“ á ensku. Nokkru seinna flaug vélin aftur yfir ströndina en þá með sömu skilaboð á spænsku.

Það var hinn Youtube stjarnan og grínistinn Remi Gaillard sem stóð að hrekknum. Lögreglan náði þó að stöðva grínið áður en hann flaug í þriðja skiptið með borða á frönsku.

Gaillard hóf hrekkjaferil sinn eftir að hann missti vinnu í skóbúð. Rúmlega 6 milljónir fylgja rás hans sem er ein af vinsælustu grínrásum Youtube.

Ekki fyndið

Bourrel var hins vegar ekki skemmt og hafði áhyggjur af því hvernig ferðamennirnir á svæðinu myndu taka þessu. Í Twitter færslu sagði hann að atvikið hefði valdið „uppnámi“ og fullvissaði alla ferðamenn að íbúar Carnon myndu taka þeim fagnandi.

Gaillard svaraði Bourrel á Twitter og fullvissaði hann um að atvikið hefði verið brandari og ekki meint til að skaða ferðamannabransann á svæðinum. Hann notaði einnig tækifærið til að bauna aðeins á öryggisgæslu baðstrandarinnar. „Mér finnst uppnámið vera að strandverðirnir fara heim klukkan 18:30 meðan það er enn fullt af fólki á ströndinni.“

Brandari hans hafi hins vegar valdið því að strandverðirnir þurftu að vinna yfirvinnu þennan dag, og komu þar af leiðandi veikum ferðamanni frá París til aðstoðar.