Nú klukkan tíu lögðu blaðamenn, ljósmyndarar og myndatökumenn á Fréttablaðinu, Morgunblaðinu, RÚV og Vísi niður störf vegna verkfallsaðgerða félagsmanna í Blaðamannafélaginu. Verkfallsaðgerðirnar í dag taka ekki til DV og því verður full fréttaþjónusta í dag sem aðra daga.

DV er þriðji stærsti vefmiðill landsins og voru innlendir notendur rúmlega 123 þúsund að meðaltali hvern dag í síðustu viku samkvæmt mælingum Gallup. Verkfallsaðgerðirnar sem hófust í morgun standa til klukkan 14 í dag. Ef samningar nást ekki fyrir næsta föstudag munu blaðamenn á fyrrnefndum miðlum leggja niður störf í átta tíma þann daginn og svo í tólf tíma föstudaginn 22. nóvember.

Áréttað skal fram að verkfallsaðgerðirnar í dag og næstu föstudaga ná einungis til fyrrnefndra miðla, en ekki miðla sem þegar hafa samið, til dæmis Kjarnans, Stundarinnar og Mannlífs.