Zlatan Ibrahimovic, leikmaður LA Galaxy, viðurkennir að hann gæti verið að kveðja félagið.
Galaxy er í umspili í MLS-deildinni og mun spila við Minnesota og gæti það verið síðasti leikur Zlatan.
Hann er orðaður við endurkomu til Evrópu en þrátt fyrir að vera 38 ára gamall þá raðar Svíinn inn mörkum.
,,Ég gæti verið að kveðja. Ég er ekki að hugsa um annað, ég virði minn samning,“ sagði Zlatan.
,,Ef ég fer annað þá hafið þið minna til að skrifa um. Ef ég verð áfram þá hafiði meira til að skrifa um.“
,,Við skulum sjá hvað gerist en ég einbeiti mér að umspilinu. Það er ekki rétt að ræða framtíðina núna.“
