AC Milan á Ítalíu hefur ákveðið að reka stjóra sinn Marco Giampaolo en þetta var staðfest í dag.
Giampaolo tók aðeins við Milan fyrr á þessu ári en hann var nú rekinn eftir 2-1 sigur gegn Genoa um helgina.
Þrátt fyrir sigur þá ákvað stjórn liðsins að láta Giampaolo fara eftir hörmulegt gengi í byrjun.
Milan er í 13. sæti ítölsku deildarinnar með aðeins níu stig eftir sjö leiki.
Liðið er nú þegar tíu stigum á eftir toppliði Juventus og er útlitið ekki bjart.
Giampaolo entist aðeins 111 daga í starfi hjá Milan.
