Peningunum fylgja þau skilaboð að fólk megi eiga þá. Í Bandaríkjunum hefur lögreglan tekið þessu mjög alvarlega og hefur unnið að rannsókn málsins og hefur varað fólk við að snerta box sem þessi ef það finnur þau. Best sé að tilkynna lögreglunni um þau.
Danska Ekstra Bladet ræddi við ungan mann sem fann box sem þetta í Kaupmannahöfn í síðustu viku. Hann sagðist í fyrstu hafa talið að um gabb væri að ræða en svo var ekki. Í boxinu hafi verið 100 kr seðill.
Á Instagram er aðgangur undir nafninu Snoopos en það virðist vera hópur sem stendur á bak við þessar dularfullu „gjafir“. Þar eru birtar myndir frá mörgum stórborgum víða um heim þar sem box sem þessi sjást og með þeim texti um að þau hafi verið skilin eftir í borginni.
Engin skýring fylgir með á hverju þetta sætir en hugsanlega hefur fréttamiðillinn Universal Hub í Boston óvart fundið skýringuna eða öllu heldur fengið hana beint upp í fangið. Þar í borg hafa box sem þessi fundist og hafa sprengjusérfræðingar lögreglunnar verið kallaðir til þar sem boxin þóttu grunsamleg.
Í athugasemdakerfi miðilsins skrifaði aðili, sem segist tilheyra Snoopos, að ekki hafi verið ætlunin að valda vandræðum. Hér sé um alþjóðlega samfélagslega tilraun að ræða þar sem kannað er hvað fólk gerir við peninga sem það hefði annars ekki fengið.
Það verður að taka þessum skrifum hans með þeim fyrirvara að viðkomandi kemur ekki fram undir nafni.
https://www.instagram.com/p/B1gEdERg7Nq/