Sitjandi ríkisstjórn er að sönnu sundurtætt og vart hafa sést viðlíka flokkadrættir og nú, nema ef vera skyldi í tíð vinstri stjórnarinnar sem lafði óstarfhæf út kjörtímabilið. Þingmenn stjórnarliðsins tala hver gegn öðrum og andæfa stefnumálum ríkisstjórnarinnar. Agnes Bragadóttir, blaðamaður Morgunblaðsins, lapti það upp eftir ónafngreindum heimildum að þingmenn Sjálfstæðisflokksins hyggist ekki samþykkja ríkisfjármálaáætlun. Morgunblaðið var rekið til baka með staðlausa frétt sína og formaður fjárlaganefndar, Haraldur Benediktsson, gekk svo langt að kalla hana þvætting.