Carlos Alena, leikmaður Barcelona á Spáni, hefur ákveðið að finna sér nýtt treyjunúmer fyrir næsta tímabil.
Frenkie de Jong, nýr leikmaður Barcelona, mun klæðast treyju númer 21 sem Alena notaði á síðustu leiktíð.
Ástæðan er falleg en De Jong bað Alena fallega um hvort hann gæti fengið númerið eftir að hafa skrifað undir í sumar.
Afi De Jong lést sama dag og miðjumaðurinn fagnaði 21 árs afmæli sínu og heiðrar hann minningu hans.
Afinn hjálpaði De Jong mikið á hans yngri árum og var gríðarlega mikill stuðningsmaður Hollendingsins.
Alena þurfti ekki að hugsa sig tvisvar um og var ekki lengi að samþykkja þessa beiðni.
