Undarlegt atvinnutilboð birtist á Facebook fyrir skömmu. Þar eru boðnar 10 þúsund krónur til þess aðila sem getur aðstoðað við að bjarga hamstri sem er fastur í klósettkassa. Auglýsandi, og eigandi hamstursins, sem vill ekki láta nafn síns getið, segir í samtali við DV að ekki sé um grín að ræða.
Auglýsingin er eftirfarandi: „Vantar manneskju til að ná hamstri út klósettkassa án þess að brjóta kassann. Hamsturinn er lifandi en virðist annað hvort ekki geta notað þá “stiga” sem við erum búin að reyna eða fílar þetta svo vel að hann vilji ekki koma. Þetta er upphengt klósett og hamsturinn er inni í veggkassanum. Einhver? 10.000 í boði. Nei ekki grín. Já er á höfuðborgarsvæðinu.“
Hamsturinn fær gjarnan að leita lausum hala inn á baðherbergi á meðan eigandinn gerir sig til á morgnanna. Taldi eigandinn að enginn leið væri fyrir hamsturinn að lenda í háska þar, en annað kom á daginn.