Lögreglan rannsakar málið sem sakamál
Skömmu eftir hádegi í dag, skírdag, fannst lík í síki á milli Christianshavn og Amager í Kaupmannahöfn Talið er að líkið, sem var fullklætt, sé af hvítum karlmanni á fertugsaldri.
Lögreglan í Kaupmannahöfn rannsakar málið sem sakamál. Þetta segir rannsóknarlögreglumaðurinn Ove Larsen í samtali við Jyllands-Posten.
Hundar hafa í dag leitað á svæðinu, þar sem líkið fannst, í leit að vísbendingum. Þá hefur rannsóknardeild lögreglunnar og kafarar verið á vettvangi. Svæðið er lokað almenningi á meðan.
BT hefur eftir Ove Larsen að maðurinn sem fannst hafi verið með mikla áverka á andlitinu. Ekki er þó enn vitað hvort þeir hafi orsakað andlát hans eða hvort maðurinn hafi drukknað í síkinu.