Kostar minna og geta því fjölgað úthaldsdögum varðskipanna
Landhelgisgæslan kaupir meirihluta þeirrar olíu, sem notuð er á flota gæslunnar, frá Færeyjum en þar kostar hún minna en á Íslandi. Með þessu hefur verið hægt að fjölga úthaldsdögum varðskipannna. Gæslan kaupir 80 prósent olíunnar frá Færeyjum en aðeins 2 prósent frá Íslandi.
Þetta kemur fram í Stundinni í dag. Þar segir að með þessu hafi gæslan komist hjá því að greiða olíugjald á Íslandi. Þannig hafi ríkið orðið af rúmlega 300 milljónum króna.
Sveinn H. Guðmarsson, upplýsingafulltrúi gæslunnar segir að þetta fyrirkomulag hafi verið sett á eftir að stefna í ráðdeild og aðhaldi hafi verið sett á í rekstrinum.