Heimsins stærsta flugvél fór í sitt fyrsta reynsluflug, yfir Mojave-eyðimörkinni í Kaliforínu, í apríl. Fjarlægðin á milli vængenda er meiri en lengd fótboltavallar, vænghaf sem er 50% meira en á Airbus A380 risaþotunni.

CNBC skýrir nú frá því að flugvélin sé til sölu fyrir rúma 50  milljarða króna.

Vulcan var fjárfestingarhópur milljarðamæringsins Paul Allen, eins stofnenda Microsoft, en hann lést í október. Vulcan á vélina.

Flugvélin, Straotlaunch, er með tvo skrokka og er hönnuð til að fljúga út í neðstu hluta geimsins og sleppa þar geimflaug sem myndi fljúga áfram útí geim til að setja út ný gervitungl.

Þrátt fyrir svimandi hátt verð er gert ráð fyrir því að vélin muni seljast. CNBC nefnir milljarðamæringa sem eru áhugasamir um geimferðir, svo sem Elon Musk stofnanda Tesla, Jeff Bezos stofnanda Amazom og Richard Branson, eiganda Virgin, sem mögulega kaupendur. Allir eru þeir uppteknir af því að ferðast út í geim.

Stratolaunch er með tvo skrokka og sex mótora, sem eru á stærð við mótora Boeing 747 vélanna. Hugsunin á bak við þetta er að geimflaugarnar sem vélin á að flytja út í geim muni hanga á milli skrokkanna tveggja.