Katrín Mixa skorar á einstaklinginn sem að lék köttinn hennar grátt að stíga fram. Jasmín, köttur Katrínar var nefnilega beitt dýraníði aðfaranótt Laugardags.

Katrín lýsir því í samtali við blaðamann hvernig Jasmín hafði hagað sér undarlega laugardagsmorguninn. Í fyrstu var Katrín óviss um hvað væri að angra kisu, en sá svo að einhver hafði bundið rembingshnút með þunnu snæri um skott hennar.

„Það var augljóslega komið sár í þetta. Ég sá það þegar ég reyndi að losa hnútinn, þá sýndi hún viðbrögð. Fyrst mjálmaði hún og svo hvæsti hún á mig, en hún hafði aldrei hvæst á mig áður,“

Katrín fór með Jasmín til dýralæknis sem sagði að um drafníð væri að ræða. Dýralæknirinn losaði hnútinn og skoðaði sárið, en mögulega var komið drep í sárið.

Jasmín hefur gert lítið annað en að sofa síðan hún kom heim frá dýralækninum, en henni voru gefin verkjalyf og Katrínu sagt að halda henni inni.

„Hún var kvalin og þetta var augljóslega af mannavöldum, þó það sé auðvitað inni í myndinni að einhver krakki hafi gert þetta þá var hnúturinn bundinn mjög fast,“

Katrín biður gerandann um að stíga fram. Hún segist vera tilbúin að sína skilning ef að markmið verknaðarins hafi ekki verið að kvelja köttinn.