Amash er fyrsti þingmaður repúblikana sem segir þetta opinberlega. Hann sakar einnig William Bar, dómsmálaráðherra, um að hafa vísvitandi villt um fyrir almenningi í tengslum við innihald og þess sem Robert Mueller, sérstakur saksóknari, segir í skýrslu sinni varðandi tengsl forsetaframboðs Trump við Rússa.
Amash, sem er hluti af mjög íhaldssömum hluta repúblikanaflokksins, The Freedomcaucus, segir í nokkrum tístum að fáir þingmenn hafi lesið skýrslu Mueller. Hann segir að í skýrslunni „sé bent á mörg dæmi um framferði sem geti algjörlega túlkast sem tilraun til að hindra framgang réttvísinnar“.
Margir demókratar eru sama sinnis en leiðtogi þeirra í fulltrúadeildinni, Nancy Pelosi, sagði fyrr í mánuðinum að Trump væri að færast nær ríkisrétti. En hún varaði jafnframt við afleiðingum þess að stefna honum fyrir ríkisrétt og sagði að það myndi enn auka á deilurnar í bandarísku samfélagi.
Amash segir að aðeins eigi að virkja ríkisrétt við mjög sérstakar aðstæður.
„En á tíma pólitísks klofnings er ekki hætta á að þingið grípi of oft til slíkra aðgerða. Það er frekar hætta á að það gerist svo sjaldan að ekki sé gripið inn í misnotkun valds.“
Skrifaði hann á Twitter.
