„Þekkir einhver þennan Hauk og eftirnafnið hans? Var að fá upplýsingar um að hann notar þessa mynda af mér á Tinder,“ spyr Margrét Friðriksdóttir Facebook-vini sína. Tilefnið er þessi sérstæða mynd á Tinder-reikningi einum. Haukur notar þar mjög þekkta mynd af Margréti Friðriksdóttur þar sem hún heldur á smáhundi, og hefur skipt út sínu trýni dýrsins fyrir sitt eigið andlit.

Margrét kann vel að meta spaug og bætir við spurningu sína:

„Er einmitt að spá í að bjóða honum á deit, hef alltaf verið hrifin af hundum og kjölturökkum, þeir láta svo vel af stjórn.“

Maðurinn sem hér er að verki heitir Haukur Valdimar Pálsson og er 36 ára kvikmyndagerðarmaður. DV hafði samband við Hauk og aðspurður sagði hann að engin alvarleg eða djúp merking væri að baki birtingunni:

„Þetta er nú bara létt grín. En ég hef ánægju af að setja saman myndir og setja saman menn og dýr,“ segir Haukur, sem hefur gaman af grískri goðafræði þar sem finna má skepnur sem eru samblöndur manna og dýra.

„Ég vinn mest við að klippa saman vídeó, bæði tónlistarmyndbönd og tónlistarvídeó.“

Haukur segist bara hafa fengið jákvæð viðbrögð við Tinder-myndinni. Margrét hafi ekki haft samband við hann sjálf en hann hafi heyrt að hún hafi húmor fyrir uppátækinu.

Aðspurður segist Haukur vera nokkuð vinsæll á Tinder. Hins vegar sé á þessari stundu ekkert sem bendi til stefnumóts hans og Margrétar Friðriksdóttur.