Viðskiptablað Morgunblaðsins skýrir frá þessu í dag. Icelandair Group setti hótelkeðjuna í sölu á síðasta ári og ætlaði að selja hana í heild. Nú liggur fyrir að Icelandair Group mun halda fimmtungshlut í hótelkeðjunni.
Stofnandi Berjaya Corporation er malasíski auðkýfingurinn Vincent Tan en hann á meðal annars enska knattspyrnufélagið Cardiff City sem landsliðsfyrirliðinn Aron Gunnarsson hefur leikið með á undanförnum árum.
Icelandair Hotels á 23 hótel víða um land. 10 þeirra eru sumarhótel. Félagið vinnur einnig að uppbyggingu hótels við Austurvöll.
Í febrúar var tilkynnt um kaup Berjaya Corporation á Geirsgötu 11 í Reykjavík fyrir 1,6 milljarð króna.