Mögnuð frammistaða Ögmunds Kristinssonar í Grikklandi er byrjuð að vekja áhuga stærri liða. Ögmundur er að klára sitt fyrsta tímabil með AE Larissa.

Nú segja miðlar þar í landi að Kayserispor í Tyrklandi vilji kaupa Ögmund í sumar.

Ögmundur sem verður þrítugur í ár var orðaður við stórlið, Olympiakos í janúar. Hann gæti farið frá Larissa í sumar.

Ögmundur er mættur aftur í íslenska landsliðið eftir að hafa misst sæti sitt í kringum Heimsmeistaramótið, síðasta sumar.

Sagt er að njósnari Kayserispor hafi verið á leik Ögmundar um daginn, þar sem frammistaða hans var skoðuð.